ٻوھي وارو ڀڙو: هيءُ دڙو ديھه عثمان ملي تعلقي فيض گنج ضلعي خيرپور ۾ آهي. ھن دڙي تي ڪافي ٺڪراٺو آھي جيڪو اسلامي دور جو آھي. پر ھي ماڳ جيئن ته ھاڪڙي ڪپ تي آھي ان لاءِ کوٽڻ سان ڪي وٿون نروار ٿي سگھن ٿيون. ڪن عمارتن جا بنياد به ملن ٿا، جيڪي ٻڌائين ته ھي ڪنھن بستي جي ڦٽل دڙن جا نشان آھن. ھاڪڙي سان گڏ ۽ ڪوٽڏجي جي ڀر وارا ماڳ جانچڻ گھرجن جو اھي سنڌو سڀيتا جون ڪھنيون ڪڙيون ملائڻ ۾ مددي ٿي سگھندا. ھي ماڳ ٻوھو ڳوٺ جي ريسٽ ھائوس جي ڀرسان آھي .